وقدرت تبعد يا طيري وتروح لحد غيري
وأنا بتعذب هنا؟؟
وتشوف ده عيوني وتزيد فيك ظنوني
وأتحمل أنا؟؟
كنت بتحكيلي عنها وكأنك حتة منها
وأنا أفضل أواسي فيك
وتقول بغير عليها وبموت من حبي فيها
وانا ابكي ما بين ايديك
يا ما خفت تشوف دموعي وعذابي أو خضوعي
وأنا راسمه الضحكة ليك
أو تسمع يوم آهاتي وأنا وياك ليلاتي
وقلبي ملهوف عليك
كان يكفيني قربك ولو يطولني ظلمك
كفاية عليا عيني ما تنحرمشي منك
وكنت أمني نفسي وأقول مسيره ليا
أتحمل يوم عذابه يمكن يحس. بيا
بس قلبي مني تاه و إنت مني تهت
وبعدت وروحت ليها وكأنى في يوم ما كنت
وبعت كل حبي يا ريتنى عليك ماهنت
وانا اللى عشت عمري كله عشان أكون لك
قدرت تبعد يا طيري عن طير عاش بـ ضلك؟
26-02-2012
ليست هناك تعليقات:
إرسال تعليق